Hafðu samband: 520 4000
snerpill@snerpill.is

Sif Grétarsdóttir

Vefsíða: Neyd.is

Neyðarþjónustan ehf. á rætur að rekja vestur á firði og því ekki annað í boði en að vera með tölvuþjónustu og kerfisumsjón fyrir vestan. Sturla Stígsson var fengin til að aðstoða við gerð nýrrar heimasíðu félagsins og vann það verk af mikilli lipurð og alúð. Hjá Neyðarþjónustunni ehf. óskuðum við eftir þægilegu heimasíðuviðmáti en höfðum áður kynnst Snerpli hjá annarri deild félagsins og líkað vel.

Fundið var útlit sem hentaði og Snerpa aðlagaði það að sínu viðmóti. Snerpill er í alla staði þægilegt viðmót og notendavænt, jafnvel fyrir þá sem hafa tíu þumalfingur og kunna ekkert í forritun. Einfalt að breyta og bæta og svo er ómetanlegt að Snerpa er aldrei nema símtal í burtu, það fæst ekki með tilbúnum viðmótum sem keypt eru erlendis. Mælum hiklaust með Snerpu og Snerpli!

Rúnar Óli Karlsson

Vefsíða: Boreaadventures.com

Þegar við stofnuðum okkar fyrirtæki, var ákveðið að leggja mikla áherslu á góða heimasíðu sem kæmi myndefni og texta vel til skila ásamt því að vera vel forrituð m.t.t. leitarvéla. Við skoðuðum nokkur kerfi en flest voru annaðhvort of dýr eða takmörkuð af einhverju leyti. Ástæðan fyrir því að við völdum Snerpil er sú að það innihélt alla þessa eiginleika auk þess að við þekkjum starfsfólkið og treystum því til að skila góðu verki.

Snerpa hugsaði vel um okkur frá fyrstu mínútu. Ekkert var ómögulegt og starfsmenn þess tóku tillit til allra okkar athugasemda og leystu úr þeim. Það er okkar reynsla að veffyrirtæki eru oft þeim annmörkum háð að þar er yfirleitt annaðhvort góðir forritarar eða góðir hönnuðir. Sjaldan bæði. Hjá Snerpu fengum við góða forritunarþjónustu og faglega hönnun sem við höfum fengið mikið lof fyrir.

Snerpill er mjög auðveldur í notkun og þægilegt er að hlaða inn myndum og myndatexta á fleiri en einu tungumáli. Eins er auðvelt að tengja skjöl og fleira sem máli skiptir. Viðmótið er snyrtilegt og einfalt og það er líka þægilegt að vinna allar breytingar beint inn á vefnum en ekki í sér glugga.

Við höfum aldrei upplifað nein vandræði með kerfið og vefurinn hefur aðeins einu sinni verið niðri vegna bilunar. Það var á fyrstu dögunum og því var kippt í lag á fimm mínútum.